თსუ-ს მე-5 კორპუსის სახურავიდან პირველი კურსის სტუდენტი გადმოხტა
Posted 4:06 PM by Nina in თემები ახალი ამბები
via www.interpressnews.ge
თსუ-ს მე-5 კორპუსის სახურავიდან პირველი კურსის სტუდენტი ბაჩო აბრალავა გადმოხტა.
იგი უგონო მდგომარეობაში რესპუბლიკურ საავადმყოფოშია გადაყვანილი. სასწრაფო სამედიცინო დახმარების ბრიგადამ პირველადი დახმარება მას ადგილზე აღმოუჩინა.
ბაჩო აბრალავა ზუგდიდიდან არის და ჰუმანიტარულ მეცნიერებათა ფაკულტეტის პირველ კურსზე სწავლობს. შენობა, საიდანაც აბრალავა გადმოხტა, სამსართულიანია.
ჯერჯერობით უცნობია, თუ რა გახდა 18 წლის სტუდენტის საქციელის მიზეზი.
ამასთან, ბაჩო აბრალავას უნივერსიტეტის ლექტორები დადებითად ახასიათებენ. როგორც ისინი განმარტავენ, აბრალავა ლექსებს წერს და მისი შემოქმედებითი საღამო პარასკევისთვის იყო დაგეგმილი.
არსებობს ერთ-ერთი ვერსია - სტუდენტები ამბობენ, რომ ბაჩო აბრალავას ჰყავდა შეყვარებული, რომელსაც დაშორდა და, მათი ვარაუდით, შესაძლოა, ეს იყოს გადმოხტომის მიზეზი.
