ავტორი: zorbegi
ცოცხალის მსგავსი, მყარი ან აირული სუბსტანცია, რომელიც თითქოსდა გამოიყოფა მედიუმის სხეულიდან. სუბსტანციას შეუძლია ტრანსფორმირება კიდურებად, სახეებად და სულების სხეულებადაც.
ექტოპლაზმა თეთრი ფერისაა და ოზონის სუნი აქვს.
ტერმინი “ექტოპლაზმა” მოიგონა ფრანგმა ფსიქოლოგმა შარლ რიშემ 1894 წელს, იმისათვის, რომ აეხსნა ევზაპი პალადინოს სხეულიდან გამოსული უცნაური მესამე ხელი, ან ფსევდოპოდი. სიტყვა მომდინარეობს ბერძნული სიტყვებიდან “ექტოს” და “პლაზმა”, რომლებიც განსხეულებულ ნივთიერებას აღნიშნავს. მანამდე ექტოპლაზმის მსგავსი რამ სერ უილიამ კრუქსმაც ნახა დ. ც. ჰოუმის ირგვლივ. შემონახულია მედიუმ მადამ დ’ესნარანსის აღწერილობა, რომელიც იფარებოდა მანათობელი ქსელით, რომელიც შემდეგ ცოცხალ ორგანიზმად იქცეოდა ხოლმე. უფრო ადრე, მე–17 საუკუნეში, ფილოსოფოსმა ვონმა აღწერა სუბსტანცია, რომელსაც ის “საწყისს” ან “ვერცხლისწყალს” უწოდებდა, რაც სავარაუდოდ ექტოპლაზმა იყო.
ეს გამონაყოფები ხშირად თბილია, წონა აქვთ, გამოყოფენ ნახშირორჟანგს, ჩნდებიან მედიუმის სხეულიდან და მასშივე ქრებიან. მაგრამ ისინი შეიძლება ასევე იყვნენ ცივიც და წელვადებიც, ან ცომის მაგვარები შესახედავად. გამონაყოფი ჩვეულებისამებრ სხეულზე არსებული ნახვრეტებიდან ჩნდება. ყველაზე ხშირად, ყურებიდან, პირიდან და ცხვირიდან, მაგრამ ასევე შეიძლება გამოიყოს თვალებიდან, ჭიპიდან, ძუძუსთავებიდან ან საშოდან. ექტოპლაზმა ფორმის მიხედვით შეიძება იყოს ყველანაირი. ის მთლიანად ქრება სინათლეზე. ძირითადად ჩნდება წითელ შუქზე, ან სიბლელეში. თუ უცბათ სუქზე გავიტანთ, ექტოპლაზმა მაშინვე შიგნით შედის. ამავდროულად, სუბსტანციამ შეიძლება ზიანი მიაყენოს მედიუმს ან გარშემომყოფბს. გამონაყოფები არიან მსუბუქები, ჰაეროვნები როგორც ბოლი, ან კიდევ წებოვნები და წელვადები. ისევე როგორც სხვა ფიზიკური გამოვლინებები, ექტოპლაზმაც უფრო ხშირად რწმენის ატმოსფეროში ვლინდება და არა სკეპრიციზმის.
ექტოპლაზმა თითქოსდა ჯერ უნდა გამოიყოს მედიუმის სხეულიდან და მხოლოდ ამოს შემდეგ ხდება მისი მატერიალიზაცია. გიუსტავ გელეიმ, რომელიც პარიზში მეთანფსიქიკის ინსტიტუსტს (Institute Metanpsychique) ხელმძღვანელობს, ექტოპლაზმა აღწერა, როგორც დეცენტრალიზებული ენერგია, რომელიც მყარ, თხევად, ან აირად მდგომარეობაში გვევლინება.
დეცენტრალიზაცია მოიხმარს დიდი რაოდენობით სასიცოცხლო ენერგიას, რაც ვლინდება კაკუნში, ფოსფორეცირებაში, ტელეკინეზში და ექტოპლაზმის გამოყოფაში.
ავტორი: zorbegi
სად და როგორი საჩუქარი შევარჩიოთ? _ ასეთი კითხვა მამაკაცს წელიწადში მინიმუმ 3–4–ჯერ მაინც უჩნდება. სნამ საჩუქარს აირჩევდეთ, პირველ რიგში, უნდა განსაზღვროთ, ვის ჩუქნით, ანუ ვის რა დღესასწაულს ვულოცავთ. რა ვაჩუქოთ დედას და მეუღლეს, ან საყვარელ ქალს? დას ან თანამშრომელ ქალს? რა უნდა გავითვალისწინოთ საჩუქრის შეძენისას? ბევრი რამ!.. რადგან ქალისთვის საჩუქრის შეძენა მეცნიერებაა _ ზუსტი და დელიკატური.
საჩუქარი ბევრნაირი შეიძლება იყოს: ორიგინალური, ბანალური, სერიოზული, სასაცილო, მოულოდნელი…
რაც უნდა ორიგინალური იყოს საჩუქარი, მის შემთხვევით შეძენას მაინც არ გირჩევთ. ამ დროს აუცილებლად უნდა გაითვალისწინოთ ქალის ხასიათი, თვისებები, ჩვევები, როგორი სუვენირი თუ აქსესუარი მოსწონს, რა ფერებს ანიჭებს უპირატესობას, როგორი სტილის საჩუქარია მისთვის უფრო მისაღები და ა.შ. მოდი დავიწყოთ.
რა ვაჩუქოთ დედას
დედა ის ადამიანია, რომელმაც სიცოცხლე გვაჩუქა და თქვენი საჩუქარი ერთ–ერთი საშუალება იქნება, კიდევ ერთხელ გამოხატოთ მისდამი პატივისცემა და სიყვარული.
ყვავილები ქალური სილამაზის სიმბოლოდ მიიჩნევა და ლამაზი თაიგული დედისათვის ბანალურად არასოდეს ჩაითვლება.
კარგი საჩუქარია კოსმეტიკური საშუალებები _ დედა ხომ პირველ რიგში ქალია? ცნობილი ბრენდის სუნამო ნებისმიერ ასაკში სასიამოვნოა.
ფსიქოლოგებმა დიდი ხანია დაასკვნეს, რომ საჩუქრის შერჩევისას მთავარია არა მისი ფასი, არამედ ის სითბო და მონდომება, რომელიც თქვენ მასში ჩადეთ. ეს იმას ნიშნავს, რომ ყველაზე პრაქტიკული საჩუქარიც კი შეგიძიათ განსაკუთრებული გახადოთ.
ან იქნებ საყოფაცხოვრებო ნივთი სჭირდება? გაიხსენეთ, ხომ არ უწუწუნია ბოლო ხანებში? მტვერსასრუტი, უთო, წვენსაწური… არც სხვა საოჯახო ნივთებია ცუდი არჩევანი. თეფშების ან ჭიქების ნაკრები, სუფრა, თეთრეული, პლედი და ა.შ. მთავარია მისი გემონება გაითვალისწინოთ. თუ უფრო სერიოზული საჩუქრის შეძენა გსურთ, არჩევანიც მეტია. მაგალითად ჭურჭლის სარეცხი მანქანა, სამზარეულოს კომბაინი, წვენსახარში და ა.შ.
ყველაზე მთავარი! როდესაც დედას საჩუქარს ჩუქნით, არ დაგავიწყდეთ უთხრათ თუ როგორ გიყვართ იგი.
რა ვაჩუქოთ დას
გააჩნია, რა ასაკისაა. თუკი მოზარდია, მაშნ არაფერი რჩევა არ დაგჭირდებათ, თვითონაც კარგად იცით რა აჩუქოთ. თუ გასათხოვარი ან დაოჯახებულია, მაშინ დაფიქრება გმართებთ. თუმცა შეგიძლიათ “დედის საჩუქრიდან” რომელიმეს გამოყენება…
თუ მუსიკითაა გატაცებული, აჩუქეთ ფლეერი ან ყურსასმენები. თუ ფული არ გენანებათ და მისთვის სოლიდური თანხის გადახდას არ მოერიდებთ, მაში ლეპტოპი აჩუქეთ. ვერც კი წარმოიდგენთ როგორ გაეხარდება.
თუ აქსესუარები მოსწონს, გაითვალისწინეთ მისი გემოვნება და აჩუქეთ მზის სათვალე, მოდური შარფი, ხელთათმანი, კოსმეტიკის ჩანთა.
გსურთ გრანდიოზული სიურპრიზი მოუმზადოთ? აჩუქეთ სპა სალონის ან აკვაპარკის კუპონი ან ბილეთები. (ერთი ბილეთის ჩუქებას აზრი არ აქვს, მისი დაქალებიც არ დაგავიწყდეთ).
რა ვაჩუქოთ თანამშრომელ ქალს
ეს ის შემთხვევაა, როდესაც არჩევანი შედარებით მწირია, რადგან, კოლეგისთვის ან საქმიანი პარტნიორისთვის შერჩეული საჩუქარი (მიზეზთა გამო) არც ძალიან ძვირი უნდა იყოს და არც ძალიან პირადული… მეორე მხრივ, არც ის იქნება ლამაზი, იაფფასიანი სუვენირით ან თუნდაც სიმბოლური თაიგულით და შოკოლადის ასორტით მიადგეთ კოლეგას. განვიხილოთ რამდენიმე ოპტიმალური ვარიანტი:
ნორმალური არჩევანია სამუშაო მაგიდის სხვადასხვა აქსესუარი: მაგიდის კალენდარი, ცნობილი ბრენდის კალამი, სურათის ჩასადები ჩარჩო,ტყავგადაკრული ბლოკნოტი, რომელიც ნებისმიერი ადამიანისთვის საიმიჯო ნივთს წარმოადგენს. ბოლო ხანებში განსაკუთრებით პოპულარული გახდა კრისტალისგან გამოთლილი სუვენირების ჩუქება, რომლის შუაგულში სხვადასხვა ფიგურაა მოთავსებული; ან კიდევ ილუსტრირებული წიგნები, ტომელულები, ცნობილი მხატვრების ფოტოალბომები…
რა ვაჩუქოთ მეუღლეს ან შეყვარებულს
ყველაზე მეტი თავსატეხი სწორედ ამ დროს ჩნდება….
ავტორი: zorbegi
…სასიყვარულო ურთიერთობებს ყოველთვის აქვს დასაწყისი და დასასრული. ხშირად გასართობად წამოწყებული ურთიერთობა იმდენად რთულდება, რომ მამაკაცი ვეღარ ახერხებს არასასურველი ქალისაგან თავის დაღწევას. გთავაზობთ ასეთი სიტუაციიდან რამდენიმე ორიგინალურ, მაგრამ პრაქტიკულ გამოსავალს:
- ეცადეთ, ქალთან ისე გაწყვიტოთ ურთიერთობა, რომ ეს გარშემომყოფთათვის განსაკუთრებულად თვალშისაცემი არ იყოს.
- საათობით ესაუბრეთ თქვენს სამუშაოზე, მისთვის გაუგებარ თემებზე და ხშირად წამოიწყეთ დისკუსია მრავალცოლიანობის დადებით მხარეებზე.
- ხელიდან არ გაუშვათ მომენტები, რომ არ აღნიშნოთ მისი უარყოფითი მხარეები, მინუსები და ისიც, რომ რაც მასში მოგწონდათ, ადრე უკვე გაღიზიანებთ.
- ყურადღება მიაქციეთ ყველა იმ ქალს რომელიც საზოგადოებაში გხვდებიან, უცხო ქალები დააჯილდოვეთ კომპლიმენტებით, ხოლო თქვენს პარტნიორთან ურთიერთობაში კიდუმილი გამოიყენეთ.
- თუ ქალს თქვენი თმა განსაკუთრებით მოსწონდა, აუცილებლად გადაიპარსეთ და იამაყეთ თქვენი ახალი იმიჯით.
- სახლში ხშირად დაბრუნდით ხოლმე მთვრალი და პიჯაკზე პომადის ნაკვალევით. ასეთ მომენტში აუხსენით რომ ეს უკანასკნელია.
- დაიწყეთ იმ მუსიკის მოსმენა, რომელიც მას სასტიკად აღიზიანებს
- მოამზადეთ ძალიან ლამაზი რომანტიკული ვახშამი და რამოდენიმე წუთში გადაიქეცით ნამდვილ ღორად _ მის თვალწინ ყველაფერი შეჭამეთ.
- შეიყვანეთ მის საყვარელ მაღაზიაში, მიეცით არჩევნის საშუალება, მაგრამ სალაროსთან განაცხადეთ, რომ საფულე სახლში დაგრჩათ.
- მის თვალწინ დახიეთ ერთობლივი სურათი. აჩუქეთ ძაღლის საყელური, პირბადე, ან უბრალოდ წვერსაპარსი.
