by Levan Ramishvili
მოსკოვი 17 ივლისი 1948წ.
1. საერთო საეკლესიო ერთობის შენარჩუნების მიზნით, მართლმადიდებელი, ავტოკეფალური ეკლესიების მეთაურთა და წარმომადგენელთა თათბირმა განიხილა კალენდრის საკითხი და მივიდა დასკვნამდე რომ მართლმადიდებელი ეკლესიისათვის კალენდრის ღირებულება, ძირითადად, წმინდა პასექის დღესასწაულობის დროსთან მისი დამოკიდებულებითაა განსაზღვრული, რადგან ბიბლიური სჯულდების საფუძველზე და კრების განჩინებათა თანახმად ეს დღესასწაული ყველგან ერთსა და იმავე დროს, კვირა დღეს, მაგრამ იუდაური პასექთან არა ერთდროულად, უნდა აღესრულოს. ამ საეკლესიო მოთხოვნას ალექსანდრიული პასქალია სრულად აკმაყოფილებს.
2. რათა ავტოკეფალურ ეკლესიაში არსებული სხვადასხვა კალენდრული სისტემის მიზნით წმ. პასექის დღესასწაულთან დაკავშირებული უთანხმოება აეცილებინა, თათბირმა მთელი მართლმადიდებლური მსოფლიოსათვის წმ. პასექის დღესასწაულის აღსრულება აუცილებლად ალექსანდრიული პასქალიის თანახმად, მხოლოდ ძვ. (იულიანური) სტილით მიიჩნია.
3. იმდრომდე სანამ ყველაზე სრულყოფილი კალენდარი შემუშავდება და დამტკიცდება, თათბირი მიიჩნევს, რომ უძრავი დღესასწაულებისათვის ყოველ ავტოკეფალურ ეკლესიას შეუძლია ამ ეკლესიაში არსებული კალენდრით ისარგებლოს.
4. სამღვდელო დასისა და ერისკაცთათვის თათბირი აუცილებლად მიიჩნევს იმ ადგილობრივი ეკლესიის სტილის დაცვას, რომლის ფარგლებშიც ისინი ცხოვრობენ, როგორც ამ ეკლესიის ერთ ჩვეულებათაგანს, რომელთაც ერტობისა და სიყვარულის დაცვისათვის წმ. კანონები გვამცნობენ.
და ხელს აწერენ:
მდაბალი ალექსი, წყალობითა ღმრთისათა, მოსკოვისა და სრულიად რუსეთის პატრიარქი.
…
