ავტორი: ჰექსე
ეს უმშვენიერესი ესპანელი ქალბატონი ევა გონსალესი, ანუ მის ესპანეთი 2003 და ესპანეთის საფეხბურთო ნაკრების კაპიტნის იკერ კასილასის ექს მეგობარი გოგონაა.
ეს ინფორმაცია ასევე ნატალიამ მომაწოდა და იქვე სინანულით ისიც იკითხა ასეთი გოგო როგორ გაუშვა ხელიდანო?
მართლაც და იკერ...:(
- ვერსია #1 ბანალური
- ვერსია #2 ცინიკური
- ვერსია #3 კვაზი - რეალისტური
ერთი ფილოსოფოსი ტრიბუნიდან სიბრძნისმეტყველებდა: კაცებს, ადრე თუ გვიან ბეზრდებათო ყველაფერი, - საყვარელი სუნამოდან დაწყებული საყვარელი ქალით დამთავრებული. თუმცა მე ვფიქრობ რომ არსებობს ბევრი ნივთი, მოვლენა და ადამიანი რომლებიც არ ექვემდებარებიან ამას. მაგალითად არ მესმის როგორ უნდა მომბეზრდეს ჩემი კომპიუტერი, სხვის საქმეში ცხვირის ჩაყოფა ან თიკო სადუნიშვილის კრიტიკა.
- ვერსია # 4 ადვოკატის პოზიცია
- ვერსია # 5
და....
გეთანხმებით პუნქტი მეხუთე საჭიროებს საფუძვლიან შესწავლას.
თუ ვერ იცანით ეს ქალბატონი გახლავთ Sara Carbonero.
დიახ, იმ ცნობილი კოცნის მთავარი მოქმედი პირი და იკერის ამჟამინდელი მეგობარი გოგონა.
თუ რაიმე სასწაულით ჯერ არ გინახავთ შეგიძლიათ იხილოთ სულ 17 წამიანი ვიდეო, რომელსაც მე დავარქვი "მადრიდელი"
ავტორი: ჰექსე
"თვალი ჩაუკრა სიბნელეში ლამაზ ქალს, ეს იგივე აკეთო ბიზნესი რეკლამის გარეშე" - თქვა ვიღაცამ დაყველამ უმალ დაივიწყა თუ რამხელა რომანტიკა აქვს სიბნელეში თვალის ჩაკვრას და რეკლამის აურზაურში ჩაერთო.
პარალელურად მსოფლიოს კვლევითმა ცენტრმა სახელწოდებით "მახათი დავკარგეთ" ჩაატარი უმსხვილესი კვლევა და დაასკვნა, რომ დედამიწის მოსახლეობის 4%-ს უყვარს ტელევიზორით რეკლამის ყურება.
და მიუხედავად იმისა რომ მეც ჯერ კიდევ დედამიწას ვეკუთვნი ჩემთან მსგავსი კითხვით არავინ მოსულა, მაგრამ მე მაინც იმ 4%-ში ვერთიანდები.
თუმცა რეკლამის სიყვარული რამდენად ვრცელდება ქართულ არხებზე გასულ რეკლამებზე ვნახოთ:
- რექსონა
ალბათ ამის ბრალია, რომ ქართულ მოსახლეობას ჰგონია რომ აღნიშნული საშუალებები მხოლოდ რაიმე საიდუმლო დავალების დროს გამოიყენება და ალბათ ამიტომაც არის რომ საზოგადოებრივ ტრანსპორტში ივნისიდან აგვისტომდე სწორედ ჯეიმს ბონდისა და ლარა კროფტის დახმარება ესაჭიროებათ ჩვენს სასუნთქ ორგანოებს. (!)
თუმცა ქვე-სათაურში რექსონა ტყუილად არ მიხსენებია. მისი ბოლო რეკლამის სლოგანი- "გაბედე, ჩაიცვი შავი!"ისე მაღიზიანებს რომ ლამის რეკლამების (არარსებულ) მარეგულირებელ კომისიას მივწერო და ქართველობის სახელით დახმარება ვთხოვო.
რატომ?
ძლივს აქ შავი გაიხადეს და იმის გაბედვისკენ მოწოდება რომლის გადაგდების გაბედვა სულ ცოტა ხნის წინ გაბედეს - ცოტა არ იყოს და ალოგიკურად მეჩვენება.
- ბარამბო ჩაჩავა
ჯერ იყო და თავი გტკიოდა, ქმარი გღალატობდა თუ ხელფასი არ გყოფნიდა ჩაჩავაში უნდა წასულიყავი.
ახლაა და შოკოლადი გინდა თხილით, ქიშმიშით, ხილით... ხინკალი მწვანილით, ლუდი თევზით თუ ბიჭი მანქანით - ყველაფერი ბარამბოა.
მოკლედ, რაც არ უნდა გინდოდეს ეროვნულ შოკოლადში 1.80-ს გადახდას ისევე ვერ აუვლი გვერდს როგორც ახალი სატელევიზიო პროექტი წამყვანად - დუტას. ისე დუტა მშვენიერი სახელია ამ შოკოლადისთვის - რატომ ვერ მოიფიქრეს ეს?
დუტა გვერდით იყოს და ამ რეკლამის სლოგანმა "მშობლები რომ გეუბნებიან ტკბილი კბილებს აფუჭებს, არ დაუჯეროთო" მამათა და შვილთა ბრძოლა შეიძლება გამოიწვიოს .
წარმომიდგენია, მაღაზიის ვიტრისნი წინ გაჩაჩხული ჯიბეებშიხელებჩაწყობილი 3 წლის ბავშვი მშობელს რომ ეუბნება"შენ ვინ გეკითხება, ტელევიზორში თმაგაბურძგნულმა კაცმა თქვა - მე დამიჯერეთო!"
- სარეცხი საშუალებები
აქ ისინი პატარა აინშტაინებად გვევლინებიან და ისეთ საოცარ ფორუმლებს არახურებენ რომ აინშტაინიც კი აივსებოდა შურით. სარეცხი ფხვნილი დაგეხმარებათ რეცხვა გექცეთ სიამოვნებად, მისი დახმარებით თქვენ იქცევით სასურველ ქალად ქმრისთვის და სუპერ დედიკოდ შვილისთვის. "მისტერ მუსკული" ხომ ყველა ქალის სასურველი მამაკაცია – კაცი რომელიც ქალს ჟანგინაი ქურის გაწმენდვაში ეხმარება, სხვა რაღა უნდა უნდოდეს ქალს?
მოკლედ, ეს სარეცხი საშუალებები რეკლამებში ისეთ კაი ტიპებად არიან წარმოდგენილი – ვფქირობ, პრეზიდენტად თუ ავირჩევთ აფხაზეთასაც დააბრუნებენ და იქნებ სამაჩაბლოც უკან მოაყოლონ.
- "მინდა გავხდე მილიონერი!"
ახლაგაზრდა წყვილი ხარჯებს ითვლის და ამას ისე საწყლად აკეთებს, რომ ტელევიზორთან მჯდომი მოქალაქენი სიბრალულით ვივსებით და მზად ვართ.. შევქმნათ საქველმოქმედო ფონდები, დავრეკოთ ან დავამესიჯოთ... გავიღოთ უკანასკნელი კაპიკი ამ წყვილის ხარჯების დასაფარავად. რეკლამის ბოლოს კი ირკვევა რომ წყვილის შეწუხებული სახის მიზეზი ის 3,5 მილიონია, რომელიც "აზზე არ არიან " სად დახარჯონ. ამის მოსმენის შემდეგ კი ჩვენ, ჩვეულებრივი მოქალაქენი წეღან უკანასკნელ კაპიკს რომ ვდებდით მათ დასახმარებლად ახლა ისინი უარესად გვეცოდება და მზად ვართ კვლავ შევთავაზოთ ჩვენი დახმარება მათ ანგარიშზე არსებული ბოლო კაპიკის დასახარჯავად.
"მინდა გავხდე მილიონერის" უფრო მარტივი მაგალითია "თბილისში, ქუთაისში, ბორჯომში, წყალტუბოში ვუყურებდი ტვ–ს და წინდა ვქსოვდი უცებ გავხდი ამხელა ფულის პატრონი. " ლუდსახარში "ნატახტარის" რეკლამა კი უფრო პიარ–აქცია მგონია სლოგანით "გამოვასწოროთ ასო–ბგერა "ლ"
- პრეზერვატივი "სიკო"
…
"როცა ვხედავთ, რომ ჩვენს აზრებს იპარავენ, ყვირილის ატეხვამდე უნდა დავფიქრდეთ — მართლა ჩვენია თუ არა ეს აზრი." - ანატოლ ფრანსი
-სათაური - ნუთუ არ დამთავრდა საქართველოში ვანკას, ნანკა, ნინკასა და ნუნკას შოუების ეპოქა, ნუთუ ვერ ხვდებიან რომ ეს უკვე ზედმეტად ბანალურია.
- წამყვანი - ერთ-ერთ ბლოგზე წავიკითხე ნუთუ იმდენი ჭკუა არ ყოფნით ეს ახლად ნამშობიარები ქალი რომ არ ატრიალონ სტუდიაშიო. მე რომ ვინმე მკითხავდეს აზრს - წამყვანი ჩაცმულობიან-ვარცხნილობიან-მანიკურიან-პედიკურიანად შესაცვლელია.
- მონოლოგი- სათვალე და უგემოვნო ჰალსტუჰები აკლია და წამყვანის მონოლოგი ერთი ერთში ჰგავს დავით გოგიჩაიშვილის უნიჭო მონოლოგს ღამის შოუში. როდის მივხვდებით რომ იუმორისტული მონოლოგის წასაკითხად მხოლოდ კარგი სცენარისტი არ არის საკმარისი, წამყვანიც უნდა ვარგოდეს,
- თემები- არაჩვეულებრივად აღნიშნა შოუში მიწვეულმა ერთ-ერთმა კრიტიკოსმა რომ შოუ აქტიურად აწარმოებს უნიჭო ფილმების პროპაგანდას. ეს რომ ნამდვილად ასეა ამის საულისტრაციუოდ "თბილისური love story" და "90/60/90"-ზეც საკმარისი იქნება.
-თანაწამყვანი ბიჭი - შოუში მისი ადგილი და მნიშვნელობა ამ წუთამდე კვლევის საგანს წარმოადგენს თავიდან დიჯეი მეგონა, მერე - დეკორაციის ნაწილი მეგონა, ბოლოს მივხვდი ის იქ იმიტომ ზის რომ ნანუკამ დროდადრო მომხიბვლელ ღიმილთან ერთად უკბილო ხუმრობებიც ესროლოს ხოლმე.
- მეორე თანაწამყვანი ძაღლი - რომელსაც ენა რომ ჰქონდეს ცხოველთა დაცვის საზოგადოებას უნდა აწვდენდეს ხმას.
- ჩაის შეთავავაზება და ყოველ შეთავაზებაზე იმის შეხსენება რომ სამწუხაროდ ბევრ სტუმრებთან ვერ ახერხებს ჩაის შეთავაზებას, მაგრამ მალე სერვიზსაც გაამდიდრებს და...(კი მაგრამ რა გახდა ერთი ჩაის სერვიზი შემდგომი პუნქტის გათვალისწინებით)
-ყოველ გადაცემის ყოველ დიალოგის ყოველ წინადადებაში იმის შეხსენება რომ წამყვანი კოდუას ცოლი გახლავთ და იმდენად დიდი და ჩახლართული ოჯახი აქვს რომ "სანტა ბარბარასაც" კი ეძახიან.
ავტორი: ჰექსე
ამ სასმლის ფორმულა მარტივია ჯინი+ტონიკი
წარმოშობის ისტორია კი ხანგრძლივი მაგრამ ასევე მარტივი:
ჯინი
ჯინი ჰოლანდიაში დაიბადა, იგი გერმანელმა ექიმმა სილვიუსმა შექმნა, მაგრამ არა როგორც სასმელი არამედ როგორც თირკმელების სამკურნალო წამალი, რომელიც აფთიაქებში იყიდებოდა. თუმცა წამალმა მალევე "დაკარგა" სამკურნალო თვისებები, იგი მალე შეიყვარეს ჰოლანდილებმა როგორც სასიამოვნოდ დასალევი სითხე, რომელიც კურნავდა კიდეც და ამავე დროს აბრუებდა და სიამოვნების ბურუსში ხვევდა.
სასმელს ყურადღება ინგლისელმა ჯარისკაცებმაც მიაქციეს რომლებიც მაშინ ჰოლანდიის მოკავშირეები იყვნენ და ის ინგლისში გადაიტანეს. ნისლიანი ალბიონი იქცა ჯინის მეორე სამშობლოდ და სახელიც შეიცვალა. რთული ჰოლანდიური genavere ინგლისელებმა შეამოკლეს და მას უბრალოდ gin- ჯინი უწოდეს.
ჯინი ყველა სხვა სპირტიან სასმელთან შედარებით იაფი აღმოჩნდა რამაც თავის მხრივ მასზე მოსახლეობის უმდაბლესი ფენის ტოტალური მოთხოვნილება გამოიწვია. მუშებს ხშირად ჯინს ხელფასის სანაცვლოდაც კი ურიგებდნენ. ჯინი მალევე აღიარეს როგორც მშრომელი კლასის დამანგრეველ ძალად.
"დალიე 1 პენსად, გაილეშე 2 პენსად, ჩალას კი უფასოდ მიიღებ!" -ეწერა მაშინდელ ბარებსა და სასტუმროებს.
ჯინის სიგიჟე შესანიშნავად არის ასახული ინგლისელი მხატვრის იულიამ ჰოგარტის გრავიურაში "ჯინის შესახვევი"
"გამარჯობა არაყო, მშვიდობით ჭკუაო!"
სახელმწიფოს ჩარევა -ბრიტანეთის ხელისუფლება იძულებული გახდა ზომები მიიღო. სასმეზლე დაწესდა გადასახადები, გამკაცრდა გადასახადების აკრეფა. პარლამენტმა გამოსცა კანონი ჯინის შესახებ რომლის მიხედვითაც ჯინის გაყიდვა აიკრძალა. მაშინ ლონდონში 11 მილიონი ლიტრი ჯინი იხდებოდა. მშრალი კანონი რომელსაც არავინ იცავდა 6 წელი მოქმედებდა ამ ხნის განმავლობაში ლონდონში მხოლოდ 2 ლიცენზირებული მეწარმე იყო, ჯინს კი თითქმის ყველა აწარმოებდა.
ავტორი – ჰექსე
1."როცა მთა არ მიდის მუჰამედთან, მუჰამედი მიდის მთასთან!"
რეალური ისტორია: ისლამის დამაარსებელმა წინასწარმეტყველმა მუჰამედმა განიზრახა თავისი ღვთიური ძალის დემონსტრირება და მთას უბრძანა მასთან მისულიყო. როდესაც მთამ მისი ბრძანება არ შეასრულა მაშინ მუჰამედი თავად მივიდა მასთან და თქვა:"როდესაც მთა არ მიდის წინასწარმეტყველთან, ის თავად უნდა მივიდეს მასთან!"
აღნიშნული ფრაზით გამოიხატება რომ როდესაც ადამიანს რაიმეს მიღწევა სურს უნდა იმოქმედოს და არ უნდა დაელოდოს რომ ყველაფერი ასე თავისით მოვა
დამახინჯებული ისტორია: უფრო ხშირად გამიგია პირიქით "როდესაც მუჰამედი არ მიდის მთასთან, მთა თვითიონ მიდის მუჰამედთან" რაც გულისხმობს რომ როდესაც რამის მიღწევა გვინდა შეგვიძლია არ გავინძრეთ და ყველაფერი თავისით მოვა ჩვენამდე.
ახლოსაა ქართულ აზროვნებასთან
ასე რომ შესაძლებელია აღნიშნული ფრაზა ჩვენს მიერაც იყოს დამახინჯებული:P
2. "ჩაილურის წყალი დალია-ო"
იგივე ლეთას წყალი დალია, ლეთაში იბანავა - ყველამ დაივიწყა, წარსულს ჩაბარდა, დავიწყებას მიეცა.
მდ. ლეთა ქვესკნელის მდინარე
ჰომეროსის მიხედვით ლეთა იყო ჰადესის მდინარე, სადაც ბანაობდნენ მიცვალებულთა სულები სააქაო ცხოვრება რომ დავიწყებოდათ
ავტორი – ჰექსე
1."ნიანგის ცრემლები"- გადატანითი მნიშვნელობით - მოჩვენებითი, მლიქვნელური, ყალბი, არაგულითადი ცრემლები, სინანული
წარმოშობის ისტორია
ძველად ნიანგი ითვლებოდა საშიშ და იდუმალ არსებად, მას სწირავდნენ მსხვერპლს, მის ჩვევებზე ყვებოდნენ საინტერესოდ საშიშ ისტორიებს. ძველი ბერძენი ზოოლოგი ელიანი თავის ნაწარმოებში ცხოველებზე წერდა რომ ნიანგი არის ძალიან ეშმაკი და ვერაგი არსება ის პირში იგროვებს წყალს და ღვრის მას იმ ბილიკებზე საიდანაც ადამიანები და ცხოველები ჩადიან მდინარეში, რათა მათ ფეხი დაუცურდეთ და დაეცნენ. ამ გზით იგი მახეში აბავს მსხვერპლს და ჭამს მას.
ამბობდნენ იმასაც რომ ნიანგი დასტირის თავის მსხვერპლს - ჭამს მას და თან ღვრის ცრემლებს.
როგორც მეცნიერებმა შემდგომში დაადგინეს ნიანგის ცრემლები დაკავშირებულია მის ფიზიონომიასთან. როდესაც ნიანგი დიდი მასშტაბის მსხვერპლს ყლაპავს იგი აწვება მის საცრემლე ჯირკვლებს, აღიზიანებს მათ და ამით არის გამოწვეული ასრე რიგად გავრცელებული ფრთიანი ფრაზა - ნიანგის ცრემლები
2. "დათვური სამსახური "- ირონიულად - გულითადი, მაგრამ არაგონივრული, სულელური სამსახური, რომელსაც უფრო მეტი ზიანი მოაქვს ვიდრე სარგებელი
გამოთქმა მოდის ი.კრილოვის იგავიდან "მეუდაბნოე და დათვი" იგავში მოთხრობილია თუ როგორ სურდა დათვს მოეშორებინა ბუზი მისი მეგობრის შუბლიდან და ამისათვის მას თავში ქვა ჩაარტყა.
ავტორი – ჰექსე
ბლოგი წაკითხვადი რომ იყოს საჭიროა საინტერესო თემები,
ან ჩვეულებრივი თემები დანახული არაჩვეულებრივად.
თუმცა ამ ყველაფერთან ერთად ასევე საჭიროა გრამატიკულად სწორი წინადადებები...
მართალია ერთ პოსტში მე აქტიურად ვამტკიცებ იმას რომ მთავარია პროდუქტი და არა შეფუთვა, მაგრამ შეფუთვაში გრამატიკა ნამდვილად არ მიგულისხმია
თანაც ყველას გვსიამოვნებს გრამატიკულად გამართული, სწორი და დალაგებული წინადადებების კითხვა ასეთი პოსტები როგორც წესი უფრო ადვილად და ლამაზად იკითხება...
მე პირადად ძალიან სწრაფად ვბეჭდავ და ასე ნაჩქარევად დაბეჭდილ ტექსტში რა თქმა უნდა ზედმეტად ბევრ შეცდომას ვუშვებ, - ზოგან ასოა გამორჩენილი, ზოგან სიტყვა, ზოგან წინადადება, ზოგან ტ წერია თ-ს მაგივრად ს შ-ს მაგივრად და ასე შემდეგ ანუ ძირითადად ისეთ შეცდომებს ვუშვებ რომელსაც მეორედ გადაკითხვის დროს ვერ ვამჩნევ და დიდად კირკიტიც მეზარება..
მოკლედ ბოდიში მინდა მოგიხადოთ ჩემი გაუმართავი ტექსტებისთვის და გაუწყოთ რომ ამიერიდან ეს ასე აღარ იქნება
ავტორი – ჰექსე
სათაური ასე რატო გადათარგმნეს რუსებმა არ ვიცი
და კიდე ეხლა ვნახე აღწერაში
Жанр: Мелодрама, Комедия
Комедия? 