მონტენეგრო – ზღვა და დამოუკიდებლობა

ტერიტორიით მსოფლიოში 155-ე; მოსახლეობა 670 000; ვალუტა ევრო, სატელეფონო კოდი +382; ჰავა კონტინენტალური – ეს მონტენეგროა, სამხრეთ-აღმოსავლეთ ევროპაში, ბალკანეთის ნახევარკუნძულზე, ადრეატიკის ზღვის სანაპიროზე განლაგებული სახელმწიფო, რომელიც მიმზიდველია მშვენიერი ბუნებით და გეოგრაფიული განლაგებით.
ქვეყანა, რომლის ისტორია ეროვნულ-განმათავისუფლებელი ომებითა და დამოუკიდებლობისათვის დაუღალავი ბრძოლით ძალიან ჰგავს საქართველოს. ეს ქვეყანა იმსახურებს იყოს დამოუკიდებელი და სუვერენული, რადგან პირველ რიგში მისი, როგორც ისტორიულად დამოუკიდებელი ქვეყნის განვლილი გზა იძლევა ამის საფუძველს. (კონკრეტიკა საჭიროდ მივიჩნიე, რადგან საზოგადოების ერთ ნაწილს აქვს არასწორი ინფორმაცია იმის შესახებ, რომ მონტენეგრო წარმოადგენს სერბეთის სეპარატისტულ რეგიონს, რაც მცდარია).

მონტენეგროს (ადგილობრივ ენაზე CRNAGORA, ხოლო რუსულად Черногория) ამჟამინდელი ტერიტორია, რომის იმპერიის ეპოქაში ილირიის პროვინციის შემადგენლობაში შედიოდა და დიოკლეად იწოდებოდა. ტერიტორია დასახლებული იყო სლავებით, რომლებიც ეთნიკური სერბების შტოს ეკუთვნოდნენ და პრაქტიკულად სერბებთან ერთად მიიღეს ქრისტიანობა. IX საუკუნეში მათ მიერ დაარსებულ იქნა დიოკლეას სათავადო, რომელიც იმავე საუკუნეში იქნა ბიზანტიის იმპერიის მიერ დაპყრობილი. XII საუკუნის ბოლოს კი ნებაყოფლობით შევიდა სერბეთის სამეფოს შემადგენლობაში, ხოლო 1839 წელს, კოსოვოს ველზე განხოციელებული ბრძოლის შემდეგ, მოიპოვა რა ჩრდილოეთ ალბანეთი, კვლავ დამოუკიდებელი გახდა.
ამ ეპოქაში, საგარეო პოლიტიკურ ასპექტში მონტენეგროს ისტორია უკავშირდება თურქებთან და ვენეციელებთან ომებს, რომელიც XV საუკუნემდე საკმაოდ წარმატებით მიმდინარეობდა სანამ საუკუნის ბოლოს თურქების მიერ არ იქნა დაპყრობილი და ოსმანთა იმპერიაში ინტეგრირებული.

მიუხედავად იმისა, რომ მონტენეგრო ოფიციალურად ოსმანთა იმპერიის ნაწილი იყო, მთის მოსახლეობამ მაინც შეინარჩუნა ფაქტობრივი დამოუკიდებლობა და ჩამოაყალიბა ერთგვარი თეოკრატიული სახელმწიფო, რადგან მას ხელმძღვანელობდა მონტენეგროს მიტროპოლიტი.

ამის კვალდაკვალ ქვეყანაში ძალას იკრებდა ერთგვარი მუსულმანური ფეოდალიზმი, რადგან დიდი მიწების მფლობელები ოსმანთა იმპერიის კანონის მიხედვით, მხოლოდ ისლამის მიმდევრები იყვნენ.

იხილეთ ვრცლად>>>

http://zazagabunia.wordpress.com/