“Main C” - გიორგი ცინცაძის შემოქმედება

2013 წლის 3 იანვარს 18:00 საათზე თანამედროვე ხელოვნების ცენტრში იხსნება კომპოზიტორის და არტისტის გიო ცინცაძის მულტიმედიური გამოფენა, რომელიც ექსპერიმენტულ და ინოვაციური პროექტს წარმოადგენს. პროექტი ითვალისწინებს ცნობილი ქართველი კინო - კომპოზიტორისა და არტისტის შემოქმედების ექსპოზიციას თანამედროვე ხელოვნების ცენტრი – თბილისის სივრცეში. გამოფენა შეიძლება ჩაითვალოს ექპერიმენტად, რომელიც მაყურებელს ამ ავტორის შემოქმედების ერთ მთლიანობად აღქმის შესაძლებლობას მისცემს.

გიო ცინცაძის მუსიკას მნიშვნელოვანი როლი უჭირავს ქართული კინემატოგრაფის ისტორიაში. მისი მუსიკისა და შემოქმედების თანამედროვე ხელოვნების კონტექსტში ჩვენება, მისი ნამუშევრების ერთ მთლიან სივრცეში გაერთიანება, ახლებურად დაგვანახებს შემოქმედს – არა მარტო როგორც კომპოზიტორს, არამედ როგორც მრავალმხრივ, ნიჭიერ.

გამოფენაზე წარმოდგენილი იქნება გიო ცინცაძის აუდიო – ნამუშევრები, მისი მუსიკით გაფორმებული ფილმები და ვიდეო, ფერწერული ნამუშევრები და ფოტოები. გამოფენის ფარგლებში გამოიცემა ბროშურა სადაც გამოფენის შესახებ ინფორმაცია იქნება წარმოდგენილი.

გამოფენა გაგრძელდება 2013 წლის 24 იანვრამდე

დასწრება თავისუფალია!

პროექტი ხორციელდება საქართველოს ეროვნული კინოცენტრის და კომპანია 'თელიანი ველის' მხარდაჭერით