ესპანეთი მსოფლიოს ახალი ჩემპიონი

ავტორი: ზურა თალაკვაძე

24 საათი 12.07.10

ძალიან მაგარი მწვრთნელია ხოსეპ გვარდიოლა. “ბარსელონას” მსოფლიო ჩემპიონატი მოაგებინა.

ცოტა დაიღალა, მთელი სეზონი გუნდი დაახლოებით ასჯერ რომ ათამაშა და მსოფლიო ჩემპიონატზე “ბარსელონა” ვისენტე დელ ბოსკემ წაიყვანა. სამხრეთ აფრიკაში მოიგო ნაკრებმა, რომელიც იყო “ბარსა” და ფინალშიც ამ გუნდის ორი გენიოსიდან ერთ-ერთმა შეასრულა. ანდრეს ინიესტასთან ერთად მთელმა ესპანეთმა შეასრულა. მსოფლიოს ახალი ჩემპიონი ჰყავს.

1994 წლის ფინალის ძირითად დროშიც ვერ გავიდა გოლი და მაშინ ბრაზილიამ (თავისთავად, იტალიის დახმარებით) ანტიფეხბურთით იწვალა, ჩვენც გვაწვალა და რობი ბაჯოს ამერიკის სტადიონები უფრო მძიმედ აგონდება, ვიდრე - უეს კრეივენის პერსონაჟებს ზოლიან ჯემპრში ფრედი კრიუგერი.

გოლი გუშინაც არ გავიდა, მაგრამ მუღამი, ფინალის კაიფი მაინც დიდი დოზით იყო. მომენტებში მოთამაშეებიც ზედმეტს ინდომებდნენ, მსაჯმა ჰოვარდ უებმაც მაგრად მოინდომა (ძირითადში ამოღებული 9 ყვითელი ბარათით ფინალების წინა რეკორდი - 1986, 6 მოხსნა) და ფინალის 120 წუთით სიამოვნება ჰოლანდიის ფანების გარდა ყველამ მიიღო. ნუ, წესით, უნდა მიეღო.

ესპანეთმა ევროპას მსოფლიოც მიაყოლა. ორი წლის წინ ტორესი, ვილია და კასილიასი უფრო თავისუფლად აკეთებდნენ ყველაფერს. სამხრეთ აფრიკაში ესპანეთის შედარებით მძიმე ფეხბურთი სხვების მანდრაჟით იხსნება - არ უნდა გაუშვა და იქნებ, ყველაზე მაგარ ტიპებს დამატებითში ან საფეხბურთო მაზოხიზმში, პენალტებში მოუგო.

ჰოლანდიას ფინალში აღარ გაუმართლა.>>> იხილეთ გაგრძელება>>> 24saati.ge