ასტეროიდი
Posted 2:00 PM by anano in თემები fsiqe.wordpress.com, ბლოგი, კაპუჩინო, ლიტერატურა, რეცენზია, სკანდინავიაავტორი – კაპუჩინო
ჰანს ქრისტიან ანდერსენის, კარენ ბლიკსენის, ლევ ტოლსტოის, ალბერტ შვეიცერის მედლები, გაბრიელა მისტრალისა და სელმა ლაგერლოფის პრემია, შვედეთის სახელმწიფო პრემია ლიტერატურის დარგში, გერმანული მშვიდობის პრემია… ამ მეტად საპატიო ჯილდოთა ლაურეატი ისე გარდაიცვალა 2002 წელს, 95 წლის ასაკში, მისთვის ნობელის პრემიის მინიჭება ვერ მოასწრეს. არადა, იმსახურებდა.
მას, ჯერ კიდევ, დაწყებით სკოლაში, შეარქვეს ვიმმერბიუნელი სელმა ლაგერლოფი. ის დღეს შვედეთის სიმბოლოა. მის სიცოცხლეშივე დაარსებული მისი სახელობის ლიტერატურული პრიზი ყოველ წელს, საუკეთესო შვედ საბავშვო ავტორს გადაეცემა, შვედეთის მთავრობა მისი სახელობის ლიტერატურული პრემიით მსოფლიოს საუკეთესო საბავშვო და საყვმაწვილო ნაწარმოებს აღნიშნავს, მისი ხელნაწერები 2005 წლიდან იუნესკოს მსოფლიო მემკვიდრეობის სიაშია შეტანილი. 1978 წელს შვედი ასტრონომების აღმოჩენილი მცირე პლანეტა მის სახელს ატარებს…
