სულ ახლახანს ინტერნეტში “ოპერას” ციცნხალი ვერსია გამოჩნდა,რომელიც ფაქტობრივად ყველა სახის კლიენტის მოთხოვნილებას დააკმაყოფილებს.მისი მთავარი უპირატესობებია:
ის უკვე გახდა მსოფლიოში ყველაზე სწრაფი ინტერნეტ ბრაუზერი
ნავიგაციის გამარტივებული ფორმები;
Tab-ების ეფექტური გამოყენება
ვირუსებისაგან გაძლიერებული დაცვა;
Opera Dragonfly- საუკეთესო და ყველაზე ადვილად გამოსაყენებელი ვებ-დეველოპერებისათვის (საცდელი ვერსიით სარგებლობა უკვე შეგიძლიათ)
ვიჯეტები - საინფორმაციო-გასართობი დანამატები”
ასეულობით ახალი სკინი.
პირველი, რაც ახალი ”ოპერას” გახსნისას თვალში გხვდება, ეს არის ოპერაციის შესრულების განსაკუთრებული სისწრაფე და სუპერ-გაუმჯობესებული ვიზუალური მხარე. განსაკუთრებულად უნდა აღინიშნოს ე.წ ვიჯეტები. მოკლედ მოგითხრობთ ვიჯეტების რამდენიმე მნიშვნელოვანი კატეგორიის შესახებ:
სამეცნიერო სახის:
Science – მთარგმნელები, გლობუსები,წონის/ზომის/ტემპერატურის/სიჩქარის ერთეულების კონვერტერები, სამეცნიერო კალკულატორები და დედამიწის ბუნების შესანიშნავი ფოტოგალერეები.
Web Developer – ვებ-დეველოპერებისათვის: თულბარები,აიპი მისამართების მაჩვენებლები, ეკრანის სახაზავები, ჰოთმაილ და სხვა ედითორები, ვებ-გვერდის რენქის მაჩვენებლები და სხვა.
MySpace, Facebook და სხვა მსგავსი ქსელების მოყვარულთათვის შექმნილია ცალკე განყოფილება Social Networking
საინფორმაციო:
განახლებული ”ოპერას” ვიჯეტები საშუალებას გაძლევთ გაიგოთ სად რა ხდება ჩვენს პლანეტაზე. News-განყოფილებაში შეგიძლიათ გამოიწეროთ მსოფლიოს ყველაზე დიდი საინფორმაციო სააგენტოების ახალი ამბები. აგრეთვე შეგიძლიათ გაიგოთ მსოფლიოს ნებისმიერი წერტილის ამინდის პროგნოზი.
ხოლო მათთვის, ვისაც უბრალოდ გართობა უნდა, ”ოპერას” შემქმნელებმა გასართობი განყოფილებები გამოყვეს:
ფილმებისა და ტელევიზიის მოყვარულებს შეუძლიათ გადმოიწერონ ვიდეო-დაუნლოდერები, უყურონ ვიდეოებს, ეძებონ და იპოვობ მათი საყვარელი ფილმები. მინი-თამაშების მოყვარულებისთვუს კი აქ ძალიან ბევრი თამაშია.
მათ, ვინც მოგზაურობას აპირებს, შეუძლიათ ნახონ რუქები, გზამკვლევები და მინი სასაუბრო ლექსიკონები.
აქვეა განყოფილება მელომანებისათვის,საიდანაც ჩართავთ Last Fm, I-tunes, მსოფლიოს უამრავ მუსიკალურ რადიოებს, გადმოიწერთ ფლეიერებს და შექმნით საკუთარ ბლოგებს.
და ბოლოს, როგორც იქნა მივედით ახალი ”ოპერას” ვიჯეტების ყვეეელაზე საინტერესო და უცნაურ განყოფილებასთან. შეგიძლიათ წარმოიდგინოთ რომ ზიხართ თბილისის რომელიმე უბანში, სახლში, კომპიუტერთან... და ამ დროს საკუთარი თვალებით უყურებთ თუ რა ხდება ამ წუთას სან-დიეგოს ზოოპარკის ვოლიერებში, ან ნიაგარას ჩანჩქერზე, ან ნიუ-იორკში, ან ეგვიპტეში, გიზას პირამიდებთან??? თუკი ჯერ თქვენი ფანტაზია აქამდე არ მისულა, მაშინ იხილეთ ვებ-კამერების განყოფილება და დატკბით იმით, რომ განახლებული ”ოპერას” საშუალებით თქვენს წინ მთელი მსოფლიო იშლება :)
