ავტორი: Black Soul

წყარო: http://geo-geek.com

 

თანამედროვე ტექნოლოგიურ სამყაროში ალბათ ეჭვი არც-ერთ თქვენგანს არ ეპარება იმაში, რომ გუგლი არის წამყვანი კომპანია, რომელსაც რეალურად შეუძლია პრეტენზია ჰქონდეს ყველა სფეროში პირველობაზე. უამრავი წარმატებული პროექტის შემდეგ გუგლმა გადაწყვიტა ძალები მოსინჯოს ISP სფეროში. პირველ ეტაპზე ულტრა მაღალსიჩქარიანი ინტერნეტი მხოლოდ შეერთებული შტატების ტერიტორიაზე იქნება ხელმისაწვდომი. როდესაც საუბარია უნივერსალურ, ულტრა მაღალსიჩქარიან ინტერნეტზე უნდა აღინიშნოს , რომ საუბარია 1Gbps სიჩქარეზე.

გუგლის ოფიციალურ ბლოგზე არსებული ინფორმაციის მიხედვით მათ მიერ მიწოდებილი ულტრა მაღალსიჩქარიანი ინტერნეტი 100-ჯერ უფრო სწრაფი იქნება დღესდღეობით არსებულ ინტერნეტზე. მეტიც, თავიანთ ოპტიკურ ინტერნეტს ისინი ასევე მოიხსენიებენ როგორც fiber-to-the-home ტექნოლოგიას, რომლის მეშვეობითაც სრულმეტრაჟიანი hd ფილმების გადმოწერა შესაძლებელი იქნება 5 წუთზე ნაკლებ დროში. ეს არის მომავალი თაობის ტექნოლოგია და მათი საქმიანობა იქნება >>> იხილეთ გაგრძელება

ავტორი: Akaki Sanadze

 

Age Calculator - ი არის ძალიან მარტივი ვებ აპლიკაცია რომელიც გაძლევთ საშუალებს მარტივად გამოთვალოთ თქვენი/სხვისი ზუსტი ასაკი სხვადასხვა დროის პარამეტრების მიხედვით.

გამოსათვლელად საჭიროა უბრალოდ მიუთითოთ დაბადების: თვე, რიცხი, წელი და დააჭიროთ ღილაკს “Calculate”.

წყარო>>>sanadze.wordpress.com

ავტორი: Next Dreamhacker

ზაფხულის ერთერთი ყველაზე საინტერესო ნიუსი ჩემთვის იყო ინფორმაციული დინოზავრის გუგლის და მითოლოგიური ცეერუს ერთობლივი ფინანსურ-იდეოლოგიური მუშაობა კომპანიაზე რომლის მიზანია "მომავლის ჩაწერა". კომპანიის დირექტორის წინა პროდუქტი სამრეწველო შპიონაჟის პროგრამა Spotfire 2007 წელს 195 მილიონ დოლარად გაიყიდა.

რას წარმოადგენს "მომავლის ჩაწერა"?

კომპანია ახდენს ათასობით საიტის, ტვიტერების, ფესბუქის სტატუსების, ბლოგის ჩანაწერების უსწრაფეს სკანირებას, ხელოვნური ინტელექტის ტექნოლოგიებზე დაფუძნებული ალგორითმებით კი ფარული კავშირების დაფიქსირებას რეალურად მომხდარ ამბებს, წინმსწრებს ვარაუდებს და გამონათქვამებს, ინდივიდებს, ორგანიზაციებს და აქტივობებს შორის. არავითარ პრივატულობაზე საუბარი არც არის, ასეთ "დასერჩვას" უკვე ეძახიან "ტერორიზმის ანალიზს" მომავლის ჩამწერები თავიანთ youtube არხზე.

ძია ლი წერდა რომ თუ ჩვენ შევძლებთ მთელი მსოფლიოს news-ების სტრუქტურის შეკრებას, გავიგებთ ვინ არის შემსრულებელი..

სპეციალური სოფთი საშუალებას იძლევა მომენტალურად მოაგროვო უდიდესი დოსიე ნებისმიერ ადამიანზე და რამდენიმე წუთში უკვე გქონდეს განმეორებითი პატერნები და შაბლონები მისი ცხოვრებიდან. ჩვენი ინტერნეტ აქტივობა ყოველწამიერად ფიქსირდება, შესაბამისად ყოველი ჩვენი "ნაბიჯი" ნებისმიერ დროს შეიძლება გახდეს ანალიტიკური სტატისტიკის ნაწილი "მომავლის ჩამწერთათვის".

უფრო კონკრეტული ინფორმაცია მომავლის ჩაწერის შესახებ შეგიძლიათ იხილოთ აქ ან უბრალოდ დასერჩოთ გუგლოზავრი.

---

მე ცოტა სხვა რამეზე მინდა კომენტარი გავაკეთო,…>>> იხილე ვიდეო და გაგრძელება >>> networkedblogs.com

ორი აზრი

 

მომხრე
აკაკი გამყრელიძე

დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილე

დასაწყისშივე მინდა აღვნიშნო, რომ საზოგადოებაში გავრცელებული ტერმინი "მსუბუქი ნარკოტიკი", სამედიცინო თვალსაზრისით, მცდარია. მით უმეტეს, როცა ვსაუბრობთ მარიხუანაზე, რომლის 2-3-ჯერ მოწევაც კმარა, რომ ნარკოტიკისთვის დამახასიათებელი ძირითადი თვისება - მიჩვევა და შემდეგში განმეორებით მიღების მოთხოვნილება გამოავლინოს; უფრო მეტიც, მარიხუანამ ერთხელ მოწევის დროსაც კი შეიძლება გამოიწვიოს ისეთი ფსიქიკური ძვრები, რომელზეც ფსიქიატრები დღემდე კამათობენ - არის ეს შიზოფრენია, რომელიც დაიწყო მარიხუანას მოხმარებით, თუ ჰაშიშური ფსიქოზი, რომელიც შიზოფრენიას ჰგავს. მარიხუანა ხშირად არის ის ნარკოტიკული საშუალება, რომლითაც ზოგადად ნარკოტიკების მიღებას იწყებენ და შემდეგ გადადიან სხვა ტიპის, საზოგადოების გამოთქმით, უფრო "ძლიერ" ნარკოტიკზე, მაგალითად ოპიუმზე. ანუ მარიხუანა საწყისი ეტაპია და ვთქვათ, ოპიატებისგან განსხვავებით, რომელთა მოხმარებას სჭირდება შპრიცი და მომზადება, გაცილებით ადვილად მოსახმარია. საქართველოში, ისევე როვორც მსოფლიოს 204 ქვეყანაში, საერთაშორისო შეთანხმების საფუძველზე, აკრძალულია ექიმის დანიშნულების გარეშე ნებისმიერი სახის ნარკოტიკული საშუალების მიღება. ბოლო წლებში დაიწყო საუბარი მარიხუანას სამკურნალო თვისებებზეც. არის ქვეყნები, მაგალითად იაპონია, სადაც მარიხუანა ონკოლოგიური ავადმყოფების მკურნალობისთვის, სიმსივნური ტკივილების დროს გამოიყენება. თუმცა იქ ასეთი გამოყენებაც მხოლოდ ექიმის დანიშნულებით ხდება. დღეს, როცა ლიბერალიზაციაზე ვსაუბრობთ, უნდა გავიხსენოთ თუნდაც მეზობელი რუსეთი, რომელმაც დაახლოებით 10 წლის წინ მოახდინა ლიბერალიზაცია, ანუ გააუქმა ნარკოტიკების მიღებაზე ადმინისტრაციული და სისხლის სამართლის დასჯადობის მუხლი. მიიღეს შემდეგი სურათი: 2004 წელს ფსიქიატრების ყრილობაზე მთავარმა ნარკოლოგმა გამოიტანა შედეგები, რომლის თანახმად, რუსეთის 16 ქალაქში 13 წლის ასაკში თითქმის ყველა მოიხმარდა ნარკოტიკებს. 2005-ში კანონი სასწრაფოდ აღადგინეს. ასეთივე შედეგი გვაქვს ჰოლანდიაში, როცა ამსტერდამის რამდენიმე რაიონში მოხდა მოხმარების დეკრიმინალიზაცია. ფაქტობრივად, ეს იყო არა კანონი, არამედ საპროცესო შეთანხმება სახელმწიფოსა და პოლიციას შორის, რომ პოლიციას ის რაიონები არ გაეკონტროლებინა. დღეს ჰოლანდიელი კოლეგები სერიოზულად ფიქრობენ, რომ ეს დაშვება ისევ გააუქმონ, თუნდაც იმიტომ, რომ იმ კვარტალში არა მარტო მარიხუანას, სხვა ნარკოტიკებსაც მოიხმარენ; ასევე იმის გამო, რომ იქ მარიხუანა ადვილად იყიდება, ადვილადვე გამოდის გარეთ. ძალიან რთულია ამ საკითხის თავიდან ბოლომდე განხილვა. ნარკომანია არ არის ინფექციური დაავადება, რომელიც შეიძლება შეგეყაროს. როცა ლიბერალიზაციაზე ვფიქრობთ, არ უნდა დაგვავიწყდეს, რომ ნარკომანები არ არიან განყენებული ადამიანები, მათ გვერდზე საზოგადოებაა, ახალგაზრდა თაობა. ჯანდაცვის მსოფლიო ორგანიზაცია ითვლის სტატისტიკას, რომ ერთი ნარკომანი საშუალოდ ათ ადამიანს მოიზიდავს ნარკოტიკის გასასინჯად, რომლიდანაც 3 ნარკომანი ხდება. ამაზეა ლაპარაკი. ახალგაზრდა ასაკში უფრო დიდია კანონის შიში, ვიდრე შეგნება იმისა, რომ ნარკოტიკი ცუდია. მე, როგორც ექიმს, მეცოდება ჩემი ავადმყოფები, რომლებიც ისჯებიან იმის გამო, რომ ავადმყოფები არიან. მაგრამ ეს რომ არ გვქონდეს, უარეს მდგომარეობას მივიღებდით. რაც შეეხება ამ ხალხის დახმარებას, ლიბერალიზაცია კი არა, საჭიროა, საზოგადოებამ ერთი მხრივ სახელმწიფოს, მეორე მხრივ საკუთარ თავს მოსთხოვოს, გააკეთოს რამე ნარკომანიის აღმოსაფხვრელად. დღეს ჩვენ არ გვაქვს რეაბილიტაციის ცენტრი, არა გვაქვს სავალდებულო მკურნალობის საშუალება, არადა, ნარკომანი ხშირად თვითონ თხოულობს, - ჩამკეტეთ, რომ თავი დავანებოო. მართალია, ჩვენთან სახელმწიფომ დაიწყო ზრუნვა სავალდებულო მკურნალობის სტაციონარის გაკეთებაზე, მაგრამ ეს ჯერ საკმარისი არაა. ეკონომიკური მდგომარეობის გამო, ბევრი რამ გვაკლია. ჯერჯერობით არც საქართველო და არც ჩვენზე ბევრად უფრო მოწესრიგებული მსოფლიოს სხვა ქვეყნები ლიბერალიზაციისთვის მზად არ არიან. მით უმეტეს, ქართველებს ხასიათში გვაქვს, ოღონდ რამეზე "შევჯდეთ" და სიამოვნება მივიღოთ.

 

მოწინააღმდეგე
ნიკო ნერგაძე
ჟურნალისტი

ნარკოტიკების "მძიმედ" და "მსუბუქად" დაყოფა, ორგანიზმისთვის მიყენებული ზიანის გარდა, იმითაც განისაზღვრება, თუ რა დოზით იწვევს ის ფიზიკურ დამოკიდებულებას და რამდენად რთული და მტკივნეულია მისთვის თავის დანებება… >>>იხილე გაგრძელება>>> liberali.ge

ავტორი – cartwheel

ქობულეთიდან დავბრუნდი და განმანათლებლობის იშტაზე ვარ.
პირადი რეკორდი მოვხსენი წყალში ნანაობის.
ყოველდღე დილიდ 7 დან 9 სთმდე და დღის განმავლობაში კიდევ რამდენიმეჯერ აარანაკლებ ხანგრძლივად უდრტვინველად ვლივლივებდი, ვტივტივებდი შავ ზღვაში.
ჩემი განმანათლებლობის სურვილიც ამ ნირვანისდროინდელმა აზრებმა შთამაგონა.
არიან ადამიანები რომლებმაც რატომღაც .. ცურვა არ იციან.
hm..
1. რამხელა სიამოვნებას იკლებენ.
2. რამხელა შიში აქვთ დედამიწის 2/3-ის მიმართ.
3. რამხელა ხიფათში არიან ფეხი თუ ვერ უწვდინეს ფსკერს.
ხოდა ზღვაში ტივტივისას, როცა უსასრულოდ შემეძლო ამ ნეტერების გახანგრძლივება 0 კალორიის დახარჯვით, გადავწყვიტე ჩემი საიტის მკითხველები 100% გარანტიით ცურვის მცოდნეებად გავხადო.
სლოგანი ასეთია
"ვასწავლი ცურვას 15 წუთში, სახლიდან გაუსვლელად! უფასოდ!
ტალღებამდელი კურსი (განკუთვნილია მხოლოდ მდინარის მდორე დენის,ზღვაზე მცირე ზომის ტალღების დროს)"
ხუმრობა არ გეგონოთ
და დროოო ...... დაიწყო!
წიკ, წიკ, წიკ,...
დავიწყოთ იმით რომ დედამიწის მაცხოვრებელი ყველა ძუძუმწოვარი ცურავს, არცერთი მათგანი არ იხრჩობა წყალში, რომელშიც ფეხს ვერ უწვდენს (ისევ და ისევ წყნარ წყალზეა ლაპარაკი).


საქმე იმაშია, რომ
ფაქტი
#1ყველა ძუძუმწოვარი ადამიანისა და მაიმუნის გარდა ჰორიზონტალური არსებები არიან და წყალში ყოფნისას, როცა თავი წყალში აქვთ ნესტოები ზემოთ რჩებათ ამ გოჭუნებივით.

ფაქტი #2.
ადამიანი სუნთქავს დაახლოებით 8-12-ჯერ წუთში (დაუშვათ 10-ჯერ) ანუ ერთი ჩასუნთქვა ამოსუნთქვისთვის ხარჯავს დაახლოებით 6 წამს. ამოსუნთქვის ფაზა 2-ჯერ ხანგრძლივია ჩასუნთქვაზე.
ანუ ადამიანი ჩაისუნთქავს 2 წამის და ამოისუნთქავს 4 წამის განმავლობაში,
უხეშად რომ ვთქვათ, წუთში 20 წამი შეისუნთქავს და 40 წამი არ შეისუნთქავს.
ანუ ადამიანი წუთში 40 წამი არ შეისუნთქავს.

ადამიანი ღრმა წყალში მოხვედრისას სამ შეცდომას უშვებს:
1. ცდილობა შეინარჩუნოს ვერტიკალური მდგომარეობა.
2. ცდილობს თავი ჰქონდეს წყლის ზემოთ.
3. სასუნთქი გზების ხანმოკლედ, თუნდაც წამიერად წყლით გადაფარვას პასუხობს ენერგიული ფართხალით, ვერტიკალური მდგომარეობის მიღებითა და თავის წყლიდან ამოყოფით.
თავი კი, რომელიც პროპორციულად ყველაზე მძიმეა ძირავს ტანს.
და შედეგად თავს იძირავს, თავს იხრჩობს. სამწუხაროდ ხშირად წარმატებით.
იმისათვის რომ ადამიანმა, როგორც უსწავლელმა ძუძუმწოვარმა შეძლოს ტივტივი და ამავე დროს სუნთქვა საჭიროა.
1. მიიღოს ჰორიზონტალური მდგომარეობა.
2. ძუძუმწოვრების უპირატესობა - ნესტოები ზემოთ, უნდა აინაზღაუროს ზურგზე წოლით, ანუ პოზიცია ჰორიზონტალური, მუცელი და ცხვირ-პირი ზემოთ.
3. თავი აუცილებლად უნდა ჩაუშვას წყალში, ამით სხეულის საერთო ამომგდებ ძალას ემატება ის ძალა, რომელიც ჩაძირულ თავს ზემოთ ამოატივტივებს.

4. ამ პოზიციას უნდა კიდევ ერთი კორექცია, ყბა და ცხვირპირი ყველაზე ზემოთ.


ეს ოთხი პირობა საკმარისია წყლის ზედაპირზე ისე სატივტივოდ, რომ არცერთი კალორია არ დახარჯო.
ამ ოთხი პირობის შესრულებას ჭირდება ასევე რამდენიმე წინასწარგანწყობა.
1. შეიძლება თვალებზე გადაგიაროს წყალმა, ეს უნდა მოითმინო და პოზა არ შეიცვალო.
2.შეიძლება სახეზე, ცხვირპირზე გადაგიაროს წყალმა ასეთდროს პოზის შეუცვლეად უნდა გამოდევნო-გამოიხვინო და წოლა უნდა განაგრძო.
ეს ყვალაფერი გავიარეთ ხომ?
ახლა კიდევ ერთი მნიშვნელოვანი გავრცელებული შეცდომა და ამ შეცდომის ნაცვლად სწორი ქცევის შესახებ.
წყლით ცხვირპირის გადაფარვის საფრთხის შემთხვევაში სუნთქვის შეწყვეტა. ეს რექლექსი, რომელიც ადამიანს ჩვილობიდან მოყვება აიძულებს ეშინოდეს წყლის და ახლოს არ გაეკაროს მას, მაგრამ უკვე წყალში მყოფს ცუდ სამსახურს უწევს.
პირიქით მოიქეცით, წყლის სახეზე გადავლის ალბათობის მომატებისას ღრმად შეისუნთქეთ. ამით
1. დაასწრებთ წალს.
2. გაბერავთ ფილტვებს, რომელიც ზემოთ ამოგაგდებთ და იქნებ სულაც ვეღარც გადაგიაროთ იმ ტალღამ, რომელიც ამოსუნთქულ ფილტვებიანს სახეზე გადაგივლიდათ.
ბონნნნნნ!
(15 წუთი გავიდა)
ახლა,
გამეორება ცოდნის დედაა, თავიიიდან!

წყარო>>>cartveli.blogspot.com

 

ავტორი – lava

2011 წლისთვის – PC–ზე, Xbox 360-სა და PS3–ზე გამოვა ახალი თამაში – „Alice: Madness Returns“, სადაც ალისა კვლავაც ხვდება თავისივე საოცრებათა ქვეყანაში, რათა გაერკვეს რაა მისი ტრამვირებული ფსიქიკის მიზეზი. თამაშში შესაძლებლობა გვექნება ვიხილოთ როგორც ძველი, ასევე ახალი გმირები.

 

მოქმედება ხდება ორიგინალური თამაშის სიუჟეტური ხაზის დასრულების 10 წლის შემდგომ. ალისა ცდილობს მიღებული ფსიქიკური ტრამვისგან გამოკეთებას, რომელიც მომხდარი ხანძრის შემდგომ, მისი მშობლების დაღუპვას უკავშირდება. 10 წლის შემდგომ, მას მერე რაც იგი სულიერად დაავადებულთათვის განკუთვნილი კლინიკიდან ეწერება, იგი კვლავაც ფსიქიატრის დაკვირვების ქვეშაა, ვინაც საკუთარ პაციენტისთვის დახმარების აღმოჩენას ცდილობს, რათა ალისამ თავი დააღწიოს იმ კოშმარებს, რაც მას კვლავაც თან სდევს. ალისა კი მშობლების დაღუპვის მიზეზის ამოცნობის ჟინითაა შეპყრობილი. თვალი გადაავლეთ თამაშისათვის განკუთვნილ პირველ მასალასა და ვიდეოს:

 

 

 

წყარო>>>journal.top100.ge

 

 

ავტორი – cont

გთავაზობთ გერმანელი ფოტოგრაფის Ellen von Unwerth–ის მიერ გადაღებულ ფოტოსესიას, რომელშიც მონაწილეობას იღებდა ამერიკელი R&B მომღერალი, სიმღერების ავტორი, პროდიუსერი, მსახიობი, მოცეკვავე, მოდის დიზაინერი და მოდელი ბიონსე ნოულსი (Beyonce)…

 

 

 

 

 

 

 

 

 

 

 

 

 

 

წყარო>>>journal.top100.ge

 

ავტორი – GIORGI :)

 

წყარო>>>geo-geek.com

ავტორი – Dv0rsky

პოსტების სერიიდან - ამოიღეთ ხმა!

პოსტის ავტორი/სტუმარი - Tjorven

მოკლედ, მეგობრებო, ვინაიდან და რადგანაც საქართველოში უამრავი ადგილია, სადაც მხოლოდ ფეხით არის შესაძლებელი მისვლა/მონახულება - არდადეგების საუკეთესო ვარიანტია ლაშქრობა.

იმისათვის რომ ლაშქრობა დაგეგმოთ (თუ ეს აქამდე არ გაგიკეთებიათ) უნდა ნახოთ ესტუტორიალი.

ამის შემდეგ კი გააგრძელოთ ამ პოსტის კითხვა, რადგან ყველაზე მთავარი ატრიბუტი, ზურგჩანთა - თქვენი ყველაზე ახლო და საყვარელი მეგობარი იქნება მთელი ლაშქრობის მანძილზე და თუ ყურადღებით არ მოეკიდებით მისი ჩალაგების საკითხს, მერწმუნეთ, თქვენი ლაშქრობა შეიძლება ჯოჯოხეთს დაემსგავსოს.

მაშ ასე, ვიწყებთ :

უნდა ავიღოთ ზურგჩანთა, საუკეთესო ვარიანტია 40 ლიტრიანი (დიახ, დიახ ზურგჩანთის ზომა ლიტრებში იზომება). ეს საშუალო ზომის ჩანთა გახლავთ.

შემდეგ დავალაგოთ თან წასაღები ტანსაცმელი და ფეხსაცმელი, ასევე საძილე ტომარა, კარავი და "პარალონი".

ახლა დავაკვირდეთ ჩვენს მიერ დალაგებულ ნივთებს და კიდევ ერთხელ დავფიქრდეთ - აქედან ყველა ნივთი  გვჭირდება თუ არა.

დავიწყოთ ჩალაგება.

ავიღოთ დიდი სანაგვე პარკი (შავები და ცისფრები რომ იყიდება ყველა მაღაზიაში, ისეთი) და მოვათავსოთ შიგნით ჰორიზონტალურად საძილე ტომარა და კარავი (თუ კარვის ჩანთა ძალიან გრძელი არაა, ანუ არ აჭარბებს ჩანთის სიგანეს). თუ კარვის სიგანე აჭარბებს ჩანთის სიგანეს, მაშინ ცოტა ხანი მოიცადეთ და განაგრძეთ კითხვა.

შემდეგ იგივე სანაგვე პარკს ვაფენთ მთლიან ჩანთაში (აი ისევე როგორც სანაგვე ყუთში ვაკრავთ ხოლმე).

ახლა კი დავიწყოთ ნივთების გადანაწილება ჩანთაში, მოსამზადებელი სამუშაოები დასრულებულია.

1. ჩანთის სულ ქვედა ნაწილში აუცილებლად უნდა იდოს მყარი რამ, ისეთი, რაც არ იყანყალებს - ანუ კარავი (თავის ჩანთაში შეფუთული) და/ან საძილე ტომარა. თუ კარავი ჩანთაზე განიერია, მაშინ ის ვერტიკალურ მდგომარეობაში იდება ჩანთის ძირითად ნაწილში, ტანსაცმლის რომელიმე გვერდზე, ჩანთის მთელი სიგრძის გაყოლებაზე.
2. ჩვენს მიერ ჩანთაში ჩაფენილ ცელოფნის პარკში ვიწყებთ (დაკეცილი და მაქსიმალურად დაპატარავებული) ტანსაცმლის ჩალაგებას. სულ ქვემოთ უნდა ჩადოთ ყველაზე თბილი თანსაცმელი, შემდეგ უნდა ჩადოთ შარვალი-ბრიჯი-შორტები და მაისურები, ზემოდან კი უნდა დაადოთ რამე თბილი, საშუალო სისქის მოსაცმელი და "ბასანოჟკები", "ჩუსტები" ან რაიმე მსუბუქი გამოსაცვლელი ფეხსაცმელი.
3. გაინტერესებთ რას ვუშვებით ტრუსებს, წინდებსა და პირადი ჰიგიენის ნივთებს? გეტყვით ეხლავე. ეს ყველაფერი უნდა მოთავსდეს ჩანთის მარცხენა და მარჯვენა ჯიბეებში (ან სულაც წინა ჯიბეში - გააჩნია, როგორი ჩანთა გაქვთ).
4. ჩანთის ზედა დასახურ ნაწილს, შიგნიდან ან გარედან პატარა ჯიბეა მოთავსებული. მინდა გითხრათ, რომ ეს ჯიბე ყველაზე მნიშვნელოვანია. აქ უნდა ჩადოთ ის ნივთები, რომლებიც გზაში ხშირად დაგჭირდებათ. ასეთებია - მზის კრემი, კანფეტები ენერგიისათვის, აიპოდი ან სხვა მუსიკალურ-გასართობი რამ, ბენდენა ან ქუდი, ტუალეტის ქაღალდი  და სველი ხელსახოცები.
5. "პარალონი" არის საძილე ტომრის ქვეშ დასაგები, სითბოს შემნარჩუნებელი, ოდნავ რბილი, თხელი ლეიბი. პარალონი მაგრდება ზურგჩანთის გარეთა მხარეს სპეციალურად დატოვებული/გამოყოფილი სარტყლებით.
6. მაშ ასე, შეიძლება ითქვას, რომ ზურგჩანთა ჩავალაგეთ. ახლა ჩალაგების სიზუსტის შემოწმების დროა. აიღეთ თქვენი ჩალაგებულ - შეკრული ჩანთა და მოიკიდეთ ზურგზე. მოიჭირეთ სახელურები და დააყენეთ სასურველ ზომასა და სიმჭიდროვეზე, შეიკარით წელზე შემოსარტყამი სპეციალური ქამარიც (რომელიც უზრუნველყოფს ჩანთის წონის სხეულზე ზუსტ და თანაბარ განაწილებას) და გაიარ-გამოიარეთ რამდენიმე ნაბიჯი.
   თუ თქვენი ზურგჩანთა არ გექაჩებათ უკან, ან არ გძლევთ რომელიმე მხარეს, გილოცავთ - თქვენ ამ საქმეს თავი საუკეთესოდ გაართვით!
7. გისურვებთ საინტერესო და სასიამოვნო ლაშქრობას!

 

 

წყარო>>>www.dgiuri.com

ავტორი – მჩხაპნელი

"შენ არ გინდა, ზურიკელას უნდა"

“გემოვნებაზე არ დაობენ… მის გამო ერთმანეთს ცემენ, ლანძღავენ და ეომებიან” - მარკ ტვენი

“იდავე გემოვნებაზე და “ვნების გემოს“ ძალიან ხშირად შეიგრძნობ” – უცნაური გემოვნებისა და სუსტი აღნაგობის მქონე ნაცემი მამაკაცი

ჩვენ, ერთდროულად, უნდო და “უნდა” სამყაროში ვცხოვრობთ.
ანუ, დედამიწაზე იბადებიან მწერლები (“მაგალითად თ. დოსტოევსკი” – “გემოვნებიანი ლიტერატორის” ჩართვა), რომელთა ნაწარმოებები აუცილებლად უნდა წაიკითხო; იქმნება მუსიკალური კომპოზიციები (“M.J-ს ნებისმიერი” – ერთ–ერთი კერპთაყვანისმცემელის ჩართვა), რომლებიც მათი შემსრულებლის სიკვდილის მიუხედავად, მაინც “უსიკვდილოდ უნდა მოისმინო“; მზადდება ფილმები (“რომელი ერთი ვთქვა?! აი, თუნდაც “შინდლერის სია”… კლასიკაა, ღმერთმანი” – შარფშემოხვეული კრიტიკოსის ჩართვა), ყველა მიზეზგარეშე რომ უნდა გქონდეს ნანახი და ბოლოს – არსებობენ ადამიანები, რომლებიც ჯერ ამ “უნდა”–ს საკუთარი გემოვნების მიხედვით განსაზღვრავენ, შემდეგ კი “გოიმობის” იარლიყის მიკერების მუქარით საკუთარ აზრს თავზე სხვებსაც უპრობლემოდ ახვევენ.

შესაბამისად, დასაწყისში ნახსენები უნდობლობაც (ზოგიერთების გემოვნებისადმი) მავანთა მხრიდან ზუსტად ამ “უნდა”–სადმი უ(ნ)დიერად მოპყრობის, ან, რბილად თუ ვიტყვით, მისი “მაგრად დაკიდების”  შედეგია. თუმცა, სულაც არ ვაპირებ, რომ გავრცელებულ ტენდენციას ავყვე და სნობისტური სახით, რაღაცის არცოდნის გამო თქვენს დამუნათებას (ამ სიტყვის გამოყენება თავისთავად რაღაც სნობურ ელემენტებს უკვე ისედაც შეიცავს) შევუდგე. პირიქით, გადავწყვიტე, სამყაროსეული “უნდა”–ტენდენცია შედარებით გამემარტივებინა და მინდა, ის რამდენიმე საკულტო ფრაზა შემოგთავაზოთ, რომელიც ჭეშმარიტმა ქართველმა ცხოვრებაში მინიმუმ ერთხელ მაინც უნდა თქვას:

"თანამედროვე ძველი რომი"

1. “ნ თუ ლ?”

“მოდი, ზაფხულის ერთ–ერთ თვეს ჩემს სახელს ვუწოდებ, რადგან არ მსურს მომავალში დავიწყების “ლუკმა” შევიქმნა” – თვალებგაბრწყინებული იულიუს კეისარი

“გემრიელი სალათია… მაგრამ ეს ცეზარი ვინ ოხერი იყო?” – გამაძღარი ქართველი

“მე რა, ზანგი ვარ?!” – იმპერატორი ავგუსტუსი

იულიუს კეისარი ვისთვის ბრუტუსის, ვისთვის კი – საკუთარ საკბილოსთან ასოცირდება და მხოლოდ ცოტა თუ არსებობს ისეთი ადამიანი, ვისაც “ივლისის” გაგონებაზე, მომავალი შვებულების ნაცვლად რუბიკონზე მოთხლაშუნე ეს რომაელი ახსენდება. არადა, “ივლისი” “ივნისს” სწორედ იულიუს კეისრის გამო ჩამოჰგავს  ასე საშინლად და უზარმაზარ სურვილსაც აჩენს იმისა, ავგუსტუსის მიბაძვით, “ივნისისათვის” საკუთარი სახელის დარქმევის პრეტენზია კიდევ ერთ რომაელს რომ გამოეთქვა. ჯერ ერთი “ანტონიუსი (კრასუსი, მარკუსი, ავრილი…), ივლისი, აგვისტო” უფრო ეგზოტიკური ჩამონათვალი იქნებოდა და მერე მეორე – ამგვარად ჩვენი ყურების გამართული ფუნქციონირებისადმი შესუსტებულ რწმენას მარტივადაც განვიმტკიცებდით. თორემ, სხვა მხრივ, უკვე ტრადიციაა, რომ “ივნისის” ან “ივლისის” გაგონებისას, თვის დაზუსტების მიზნით საკვანძო ასოს ცალკეული გამეორება დაჟინებით მოითხოვო.

2. “იყავი ის, რაც ხარ”

“იყავი ის, რაც ხარ
იყავი ის, ვინც იყავი
არ გინდა ნიღაბი…” – ლექს–სენის შემოქმედებიდან

პოპულარული (და ხშირი გამოყენებისგან უზომოდ გაცვეთილი) ფილოსოფიური რეკომენდაციაა, რომლის უნიკალურობასაც მისი ”ყველანაირ სიტუაციასთან თავსებადობა” განაპირობებს. იგი შეიძლება გამოიყენოს ედვარდმა, როდესაც ბელა დაკბენას  მოსთხოვს (“დაბინდული” განმარტება); ოქროს თევზმა – როდესაც რომელიმე მეთევზე ბრედ პიტად გადაქცევის სურვილს ჩაუთქვამს;  სოკრატემ – როდესაც მას “საკუთარი თავის შეცნობის” რეცეპტზე შეეკითხებიან; დონ დიეგომ (ან, სანტოსმა), როდესაც აღმოაჩენს რომ მისი “გულის მურაზი” სინამდვილეში დამლაგებელი კი არა, მილიარდელის მემკვიდრეა და ა.შ. 

3. “ეგ (კონკრეტული სახელი) რომ კლდიდან გადახტეს, შენც უნდა გადაყვე?”

ინდივიდუალიზმის მხარდასაჭერად შექმნილი ყველაზე სიტყვამხურვალე ფრაზა, რომლითაც მავანს ვისიმე მიბაძვის  უმცირეს სურვილსაც კი ბრუტალურად, ჩანასახშივე უკლავენ. ეს გამოთქმა, სავარაუდოდ, მას შემდეგ დამკვიდრდა, რაც ყორღანაშვილის მეგობრები თუ ნათესავები სიტუაციის ამგვარი ჰიპერბოლიზებით ერთმანეთის ნუგეშისცემას ცდილობდნენ.

4.  ”არ წაიღო!”

უხამსი ქვეტექსტის მქონე ფრაზა. მისი საშუალებით ინდივიდი გამოხატავს აბსოლუტურ თავდაჯერებას იმისა, რომ შეტევაზე მუქარით გადმოსულ პირს მისი კასტრაციის შანსი არ აქვს. მართალია, ამ ორ უბრალო სიტყვაში არ კონკრეტდება ის, რასაც მათი მთქმელი ასე გულმოდგინედ იცავს, მაგრამ ჟანრი, რომელშიც აღნიშნული “უწმაწური გამონათქვამი” ხშირად გვხვდება, სხეულის ამ ორგანოს უთქმელადაც განსაზღვრავს.

5. “ორი ცალი რომ ვიყიდო, რამდენს დამიკლებ?”, “ბოლო ფასი რა არის?”

“რა საერთოა ქართველსა და აუქციონერს შორის?” – გამოცანა

პროდუქტის საწყისი ფასი ქართველსაც არასოდეს აწყობს და როგორც წესი, დიპლომატიურ ომში გამყიდველისათვის, თუნდაც ერთი ლარის წაგლეჯვაზე ყოველთვის დაბეჯითებით მუშაობს. თუმცა, თავის მხრივ, გამყიდველიც ქართველია და ფონს გასვლას საკუთარი სანათესავოს (ძირითადად კი შვილის) ამოწყვეტა–გადაშენების ფონზე ცდილობს. აქვე, იგი აუცილებლად იყენებს ფრაზებს, რომლითაც საკუთარი მოგების მიზერულობაზე წუწუნებს და მყიდველს გადამყიდველებთან ვაჭრობის კონფედენციალურ დეტალებსაც (“ამა და ამ ფასში მაქვს აღებული მე თვითონ”) თავისუფლად უმხელს. 

"ერთი ანძა ორ ეიფელს უდრის და ზედმეტი "ნძ"–ც კი რჩება"

6. “შენ არ იცი თბილისის ანძა ეიფელს რომ სჯობია?!”

თავის დასამშვიდებელი ეს გამონათქვამი ქართულ ფრაზეოლოგიაში ერთი ფრანგი გოგონას ავხორცული (უზნეო) ქმედების ამსახველი კლიპის მეშვეობით გამოჩნდა ( ჟანეტის გარყვნილება გამოიხატებოდა იმაში, რომ [ის უსირცხვილო] ერთდროულად ოთხ ბიჭს ეპრანჭებოდა და თან, როგორც კადრებიდან ჩანს, ქმარიც ჰყავდა – ავტ.შენიშვნა). აღნიშნული სიმღერის მეოხებით კი ყველა, ვინც თბილისსა და პარიზს ერთმანეთს ადარებს, ან,  უბრალოდ ეიფელის კოშკსა, თუ, სატელევიზიო ანძაზე ალაპარაკდება, ამ ფრაზას მინიმუმ – გაიფიქრებს და მაქსიმუმ – ეროვნულმოტივებშემოწოლილი აღმოთქვამს კიდეც.

7. “მაგის ყურებას “სვარკის” ყურება მირჩევნია”

“სვარკის” შეუიარაღებელი თვალით ყურება, მზის დაბნელებით უსათვალოდ ტკბობის ტოლფასია” – ლაქლაქა ოკულისტი

მეტაფორული ხუმრობა, როდესაც საცქერი ობიექტის უგვანობის სიმძაფრეს, საკუთარი თვალების მსხვერპლად შეწირვის დაუოკებელი სურვილით აბალანსებენ. თუმცა, საქმე საქმეზე რომ მიდგება, (ორი “საქმის” არსებობის მიუხედავად) მეტი საქმე მაინც არავის ექნება, რომ თავისი დაჟინებული მზერა “სვარკას” მიუძღვნას.

"ცხოველური" რასიზმი

8. “ჩვენ რა, ზანგები ვართ?!” (ილუსტრირებისათვის იხ. დასაწყისი)

ურასისტულეს ხუმრობათაგან ერთ–ერთი. მისი გამოყენებისას ადამიანი უშვებს იმის ალბათობას, რომ იგი აფროამერიკელებთან შედარებით გარკვეული პრივილეგიებით უნდა სარგებლობდეს. თუმცა, რა უნდა მოსთხოვო ქვეყანას, როცა:

ა) მისი პრეზიდენტი – ფერადკანიანი ადამიანის მეთაურობის ქვეშ მყოფ (ზე)სახელმწიფოსთან მეგობრობა რომ სურს – ოფიციალური გამოსვლებისას მსგავს ფრაზებს (ენა)დაუბრკოლებლადიყენებს და

ბ) ამავე ქვეყნის მედია აღნიშნულ კადრებს სიუჟეტებში უპრობლემოდ გვიჩვენებს.

9. “მთავარია, ბავშვი იყოს ჯანმრთელი/მეზობელს არ ჰგავდეს”

ა) იდეალური გაგრძელება ეპოქალური ნუგეშისცემისა: “ყველაფერი კარგად იქნება”.
ბ) მეზობლობის წმინდათაწმინდა ტრადიციის დაურღვევლობით გამოწვეული სიხარული.
გ) შესანიშნავი ილუსტრირება სიტყვებისა: “მეზობლის ქალს ხელს ნუ ახლებ, ისიც შინაურიაო”

10. არ გინდოდა რძე და ყველი?!

სიტუაცია, როდესაც რაღაცით აღშფოთებული პიროვნება ამ აღშფოთების გამომწვევ მიზეზს ტუქსავს. ანუ, მზაკვრული ღიმილით  მის მიერ დაშვებულ შეცდომაზე მიუთითებს, წარსულის ტკბილი განვითარების პერსპექტივებს უნგრევს და აწმყოში ისეთ მენიუს სთავაზობს, რომ თქვენი მახსოვრობის იმედად, მის საჯაროდ გამოტანას მაინც მოვერიდები.

პ.ს: თუკი თქვენს ბაგეებს ამ “must-სათქმელ” ფრაზათაგან რომელიმე ჯერ კიდევ არ გადმოსდენია, ნუ შეშფოთდებით! როგორც ერთი, ამჯერად უკვე “მსოფლიო საკულტო ფრაზა” იტყოდა: დღეს, თქვენი დარჩენილი ცხოვრების პირველი დღეა!

წყარო>>>doin.ge